Аб канферэнцыі

ІНФАРМАЦЫЙНЫ ЛІСТ

Нацыянальная бібліятэка Беларусі запрашае прыняць удзел у
ХIX Міжнародных кнігазнаўчых чытаннях

Арганізатары:
Міністэрства культуры Рэспублікі Беларусь;
Нацыянальная бібліятэка Беларусі.

Тэрмін правядзення:
27–28 красавіка 2023 г.

Фармат правядзення гібрыдны:

• вочны удзел (г. Мінск, пр. Незалежнасці, 116);
• дыстанцыйны ўдзел з відэадакладам або выступленнем анлайн з дапамогай відэа-канферэнц-сувязі.

Праблемнае поле канферэнцыі:

• рукапісная кніжнасць Беларусі;
• Ф. Скарына і яго паслядоўнікі – беларускія тыпографы і выдаўцы XVI–XVIІІ стст.;
• 500-годдзе першага выдання “Песні пра зубра” М. Гусоўскага;
• 400-годдзе Куцеінскага Богаяўленскага манастыра;
• старадрукі XVI–XVIІІ стст.;
• беларуская кніга ХIХ–ХХ стст.;
• 200-годдзе з дня нараджэння У. Сыракомлі;
• гістарычныя бібліятэкі і развіццё бібліятэчнай справы Беларусі;
• улік і апісанне кніжных помнікаў Беларусі;
• сучасныя працэсы кніжнай культуры;
• беларуская кніга ў айчынных і замежных зборах;
• мастацтва кнігі;
• кніга ў сучасным сацыякультурным і інфармацыйным асяроддзі;
• сучасныя бібліялагічныя школы, даследаванні і канцэпцыі;
• асобы беларускага кнігазнаўства.

Мовы канферэнцыі: беларуская, руская, англійская.

Умовы ўдзелу:
Для ўдзелу ў канферэнцыі з дакладам, паведамленнем або ў якасці госця неабходна прайсці анлайн-рэгістрацыю.

Пражыванне, харчаванне, транспартныя выдаткі –
за кошт удзельнікаў канферэнцыі.

Патрабаванні да тэксту даклада:
Плануецца выданне зборніка матэрыялаў канферэнцыі. Прымаюцца арыгінальныя работы на беларускай, рускай, англійскай мовах, якія маюць навуковае і прыкладное значэнне. Аргкамітэт пакідае за сабой права адбору дакладаў для ўдзелу ў канферэнцыі і апублікавання. Файл з тэкстам даклада неабходна выслаць на электронную пошту redkaja@nlb.by не пазней за 20 сакавіка 2023 г.

Афармленне даклада:

1. Прозвішча, імя, імя па бацьку (цалкам) аўтара/суаўтараў, поўная назва арганізацыі, горад, краіна; прозвішча, імя, імя па бацьку (цалкам) асобы, якая будзе прадстаўляць даклад на канферэнцыі, назва даклада.
2. Аб’ём даклада разам з рэзюмэ, ілюстрацыямі і дадаткамі – не больш за 6 старонак фармату А4, Times New Roman, кегель 13, паўтарачны міжрадковы інтэрвал, тып файла – .doc або .rtf (Microsoft Word).
3. Спіс выкарыстаных крыніц афармляецца пасля асноўнага тэксту ў алфавітным парадку. Спасылкі афармляюцца ў квадратных дужках, напрыклад [3, с. 15].
4. Рэзюмэ на рускай і англійскай мовах аб’ёмам не больш за 400 сімвалаў кожнае (з прабеламі).

Патрабаванні да відэадаклада:

• арыентацыя відэа – гарызантальная;
• відэазапіс павінен стварацца з мікрафонам, пры добрым асвятленні і адсутнасці пабочных шумаў;
• працягласць відэа – не больш за 10 хвілін.

Патрабаванні да даклада-прэзентацыі:

• слайд-шоу з закадравым агучаным тэкстам павінен мець настройку часу паказу слайдаў;
• у прэзентацыі першы кадр павінен утрымліваць назву канферэнцыі, назву даклада, імя аўтара;
• працягласць прэзентацыі – не больш за 10 хвілін.

Файл з відэадакладам або прэзентацыяй неабходна выслаць на электронную пошту redkaja@nlb.by не пазней за 14 красавіка 2023 г.

Кантакты:
E-mail: redkaja@nlb.by
Тэлефоны: (+375 17) 293 26 12, (+375 17) 293 27 83, (+375 17) 293 27 81.
Кірэева Галіна Уладзіміраўна, Карнілава Таццяна Уладзіміраўна, Шопіна Марыя Міхайлаўна.