Зборнік ХVII Міжнародных кнігазнаўчых чытанняў традыцыйна падрыхтаваны і выдадзены да канферэнцыі. Усе зацікаўленыя могуць набыць яго ў кіёску бібліятэкі. Відэаархіў пасяджэнняў прадстаўлены ў адкрытым доступе, і кожны можа паслухаць даклады.

Зборнік змяшчае матэрыялы ХVII Міжнародных кнігазнаўчых чытанняў, якія адбыліся ў Нацыянальнай бібліятэцы Беларусі 22–23 красавіка 2021 г. Публікуюцца даклады беларускіх і замежных даследчыкаў і спецыялістаў, прысвечаныя гісторыі і сучаснаму стану нацыянальнай кніжнай культуры, развіццю кніжна-асветніцкіх традыцый Беларусі. Зборнік уключае тэксты 67 дакладаў.

Матэрыялы зборніка адлюстроўваюць разнастайнасць тэм, якія абмяркоўваліся ў межах канферэнцыі:

• Гістарычныя кніжныя калекцыі і правененцыі
• Рукапісная кніга і архіўныя дакументы
• Друкаваная кніга XVI–XVIІІ стст.
• Друкаваная кніга ХIХ–ХХІ стст.
• Перыядычны друк
• Мастацтва кнігі
• Персаналіі ў кніжнай культуры
• Тэорыя і метадалогія кнігазнаўства
• Кніга ў сучасным сацыякультурным і інфармацыйным асяроддзі

Матэрыялы зборніка будуць карысныя даследчыкам кніжнай культуры, гісторыкам, філолагам, мастацтвазнаўцам, тэолагам, бібліятэкарам, музейнікам і архівістам, а таксама ўсім, хто цікавіцца гісторыяй і сучасным станам беларускай інтэлектуальнай традыцыі. Набыць зборнік можна ў кіёску бібліятэкі (на 1-м паверсе, каля цэнтральнага ўвахода).

Даклады, якія прагучалі падчас XVII Міжнародных кнігазнаўчых чытанняў, выкананы на высокім навуковым узроўні, вызначаюцца актуальнасцю, навізной падыходаў да вырашэння пастаўленых пытанняў. Разгледжаныя ў дакладах праблемы маюць вялікае навуковае і прыкладное значэнне. Канферэнцыя дазволіла адкрыць малавядомыя старонкі гісторыі кніжнай культуры Беларусі і будзе спрыяць усебаковаму выкарыстанню яе культурнай спадчыны. Відэазапіс пасяджэнняў канферэнцыі даступны на канале youtube.