Аб канферэнцыі

ІНФАРМАЦЫЙНЫ ЛІСТ

Нацыянальная бібліятэка Беларусі запрашае прыняць удзел у
ХVII Міжнародных кнігазнаўчых чытаннях

Арганізатары:
Міністэрства культуры Рэспублікі Беларусь, Нацыянальная бібліятэка Беларусі

Час правядзення:
22–23 красавіка 2021 г.

Фарматы правядзення:

• у будынку бібліятэкі (Мінск, пр. Незалежнасці, 116)
• дыстанцыйны ўдзел з тэкстам даклада, відэадакладам альбо дакладам-прэзентацыяй

Праблемнае поле канферэнцыі:

• Рукапісная кніжнасць Беларусі
• Беларускія друкарні і старадрукі XVI–XVIІІ стст.
• Беларуская кніга ХIХ–ХХ стст.
• Сучасная беларуская кніга
• Гістарычныя бібліятэкі і развіццё бібліятэчнай справы Беларусі
• Беларуская кніга ў айчынных і замежных зборах
• Мастацтва кнігі
• Улік і апісанне кніжных помнікаў Беларусі
• Кніга ў сучасным сацыякультурным і інфармацыйным асяроддзі
• Сучасныя бібліялагічныя школы, даследаванні і канцэпцыі
• Асобы беларускага кнігазнаўства

Звяртаем увагу на юбілейныя даты:

• Выдавецтва “Беларусь” – 100 гадоў з часу заснавання
• Беларускі музей імя Івана Луцкевіча ў Вільні – 100 гадоў з часу заснавання
• Сакольчык Адам Антонавіч (1896–1983) – 125 гадоў з дня нараджэння
• Карскі Яўхім Фёдаравіч (1861–1931) – 160 гадоў з дня нараджэння
• Радзівіл Марыя Магдалена (1861–1945) – 160 гадоў з дня нараджэння
• Сапуноў Аляксей Парфенавіч (1851–1924) – 170 гадоў з дня нараджэння
• Завадскі Юзаф (1781–1838) – 240 гадоў з дня нараджэння
• Капіевіч (Капіеўскі) Ілья Фёдаравіч (1651–1714) – 370 гадоў з дня нараджэння
• “Азбука” (1596) Лаўрэнція Зізанія – 425 гадоў з часу выдання

Мовы канферэнцыі:
беларуская, руская, англійская, польская, украінская.

Умовы ўдзелу:
Для ўдзелу ў канферэнцыі з дакладам, паведамленнем або ў якасці госця неабходна прайсці анлайн-рэгістрацыю.

Пражыванне, харчаванне, транспартныя выдаткі –
за кошт удзельнікаў канферэнцыі.

Патрабаванні да тэксту даклада:
Плануецца выданне зборніка матэрыялаў канферэнцыі. Прымаюцца арыгінальныя работы на беларускай, рускай, англійскай мовах, якія маюць навуковае і прыкладное значэнне. Аргкамітэт пакідае за сабой права адбору дакладаў для ўдзелу ў канферэнцыі і апублікавання. Файл з тэкстам даклада неабходна выслаць на электронную пошту tacianasapieha@gmail.com і susha.ksenia@yandex.by не пазней за 23 сакавіка 2021 г.

Афармленне даклада:

1. Прозвішча, імя, імя па бацьку (цалкам) аўтара/суаўтараў, поўная назва арганізацыі, горад, краіна; прозвішча, імя, імя па бацьку (цалкам) асобы, якая будзе прадстаўляць даклад на канферэнцыі, назва даклада.
2. Аб’ём даклада разам з рэзюмэ, ілюстрацыямі і дадаткамі – не больш за 6 старонак фармату А4, Times New Roman, кегель 13, паўтарачны міжрадковы інтэрвал, тып файла – .doc або .rtf (Microsoft Word).
3. Спіс выкарыстаных крыніц афармляецца пасля асноўнага тэксту ў алфавітным парадку. Спасылкі афармляюцца ў квадратных дужках, напрыклад [3, с. 15].
4. Рэзюмэ на рускай і англійскай мовах аб’ёмам не больш за 400 сімвалаў кожнае (з прабеламі).

Патрабаванні да відэадаклада:

• арыентацыя відэа (гарызантальная)
• відэазапіс павінен стварацца з мікрафонам, пры добрым асвятленні і адсутнасці пабочных шумаў
• працягласць відэа – не больш за 10 хвілін

Патрабаванні да даклада-презентацыі:

• слайд-шоу з закадравым агучаным тэкстам павінен мець наладу часу паказу слайдаў
• у прэзентацыі першы кадр павінен утрымваць: назву канферэнцыі, назву даклада, імя аўтара
• працягласць прэзентацыі – не больш за 10 хвілін

Файл з відэадакладам альбо прэзентацыяй неабходна выслаць на электронную пошту tacianasapieha@gmail.com і susha.ksenia@yandex.by не пазней за 5 красавіка 2021 г.

Кантакты:

Сапега Таццяна Андрэеўна
Тэлефон: +375 17 293 27 82
E-mail: tacianasapieha@gmail.com

Суша Ксенія Віктараўна
Тэлефон: +375 17 293 27 83
E-mail: susha.ksenia@yandex.by