Аб кангрэсе

16–17 кастрычніка 2019 года ў Нацыянальнай бібліятэцы Беларусі адбудзецца VI Міжнародны кангрэс “Бібліятэка як феномен культуры”. Тэма 2019 года: “Паслугі і сэрвісы бібліятэк у сучаснай інфармацыйнай прасторы”.

Арганізатары кангрэса:
Міністэрства культуры Рэспублікі Беларусь
Нацыянальная бібліятэка Беларусі

Запланаваныя тэмы для абмеркавання

• Роля бібліятэк у сучаснай інфармацыйнай інфраструктуры грамадства
• Інфармацыйнае забеспячэнне навуковых даследаванняў і адукацыйнага працэсу
• Сацыяльныя сеткі і бібліятэкі
• Бібліятэкі 2.0 / 4.0
• Інфармацыйна-аналітычныя паслугі бібліятэк: стан і перспектывы развіцця
• Тэхналогіі воблачных вылічэнняў у дзейнасці бібліятэк
• Інфармацыйна-пошукавыя сістэмы бібліятэк у сеткавым асяроддзі
• Электронныя бібліятэкі і анлайн-рэсурсы ў бібліятэчна-інфармацыйнай прасторы
• Інтэрнэт-маркетынг у дзейнасці бібліятэк
• Ацэнка эфектыўнасці бібліятэчных паслуг у электронным асяроддзі
• Бібліятэкі як прастора для вольнага часу
• Інавацыйныя падыходы да арганізацыі абслугоўвання карыстальнікаў
• Сучасныя карыстальнікі бібліятэк: вывучэнне патрэбнасцей і арганізацыя ўзаемадзеяння

Рабочыя мовы

• беларуская
• руская
• англійская

Патрабаванні да афармлення даклада
Прымаюцца арыгінальныя працы, якія маюць навуковае і прыкладное значэнне. Матэрыялы плануецца апублікаваць да пачатку работы кангрэса.
Аргкамітэт пакідае за сабой права адбору дакладаў на кангрэс і матэрыялаў для публікацыі ў зборніку.
Назва даклада, прозвішча, імя (поўнасцю) аўтара / суаўтара, пасада, вучоная ступень, назва арганізацыі, горад, краіна; прозвішча, імя (поўнасцю) асобы, якая будзе прадстаўляць даклад на кангрэсе.
Аб'ём даклада разам з анатацыяй, малюнкамі, дадаткамі, схемамі і інш. – не больш за 6 старонак фармату А4, Times New Roman, 13 кегель, паўтарачны міжрадковы інтэрвал, тып файла – rtf Microsoft Word.
Анатацыя на рускай мове аб'ёмам не больш за 700 сімвалаў (уключаючы прабелы).

Патрабаванні да прэзентацый
Тып файла – ppt Microsoft PowerPoint.

Прадастаўленне дакладаў і прэзентацый
Файл з тэкстам даклада неабходна выслаць па электроннай пошце secretar@nlb.by не пазней за 10 верасня 2019 года. Файл прэзентацыі (пры наяўнасці) неабходна выслаць па электроннай пошце secretar@nlb.by не пазней за 20 верасня 2019 года.

Выстаўка
У рамках кангрэса пройдзе выстаўка “Паслугі і рэсурсы бібліятэк у электронным асяроддзі”

Умовы ўдзелу
Для ўдзелу ў кангрэсе запрашаюцца спецыялісты бібліятэк, музеяў, архіваў, навукова-даследчых арганізацый, адукацыйных устаноў, прадстаўнікі заканадаўчай сферы, распрацоўшчыкі і вытворцы праграмнага забеспячэння, тэхнічных сродкаў і інфармацыйнай прадукцыі, а таксама спецыялісты, якія маюць дачыненне да праектавання, будаўніцтва, архітэктуры, дызайну і эксплуатацыі бібліятэчных будынкаў.

Пражыванне, харчаванне, транспартныя выдаткі – за кошт удзельнікаў.

Для ўдзелу з дакладам, паведамленнем або ў якасці госця неабходна не пазней за 1 верасня 2019 года прайсці анлайн-рэгістрацыю.

Рэгламент
Даклады на пленарным пасяджэнні – да 20 мін., на сесійных пасяджэннях – да 10 мін.

Месца правядзення
Нацыянальная бібліятэка Беларусі
Рэспубліка Беларусь, г. Мінск, пр. Незалежнасці, 116