Аб кангрэсе

21–22 кастрычніка 2020 года ў анлайн-фармаце і ў будынку Нацыянальнай бібліятэкі Беларусі адбудзецца VII Міжнародны кангрэс «Бібліятэка як феномен культуры».
Кангрэс 2020 года прысвечаны краіназнаўству і краязнаўству як магістральным напрамкам захавання гісторыка-культурнай спадчыны краін і народаў.

Асноўныя арганізатары
Міністэрства культуры Рэспублікі Беларусь
Нацыянальная бібліятэка Беларусі

Тэмы для абмеркавання:

• Гісторыя і культура краін, рэгіёнаў, мясцовасцей як напрамкі сучасных даследаванняў.
• Краіназнаўства, краязнаўства, рэгіёназнаўства, радзімазнаўства.
• Арганізацыя краязнаўчай дзейнасці бібліятэк, яе нарматыўнае і метадычнае забеспячэнне.
• Бібліяграфічнае краязнаўства.
• Рэгіянальная бібліяграфія.
• Нацыянальная бібліяграфія. Экстэрыёрыка.
• Краязнаўчыя бібліяграфічныя рэсурсы і праекты.
• Краязнаўчыя фонды і калекцыі бібліятэк і іншых арганізацый.
• Краязнаўства ў сістэме сумежных навуковых дысцыплін і відаў дзейнасці.
• Музейнае краязнаўства.
• Краязнаўчая дзейнасць архіўных устаноў.
• Краязнаўства і адукацыйнае асяроддзе.
• Краязнаўства і турызм.
• Гістарычнае краязнаўства.
• Літаратурнае краязнаўства.
• Царкоўнае краязнаўства.
• Аматарскае краязнаўства.
• Краязнаўства ў лічбавым асяроддзі.
• Электронныя інфармацыйныя рэсурсы па краязнаўстве, краіназнаўстве.
• Папулярызацыя краязнаўчых і краіназнаўчых ведаў – вектары дзейнасці бібліятэк, музеяў, архіваў.
• Краязнаўства і СМІ. Краязнаўчы кантэнт у інтэрнэт-прасторы.
• Сучасная выдавецкая прадукцыя ў захаванні і папулярызацыі гісторыка-культурнай спадчыны краін, рэгіёнаў.
• Краязнаўчыя праекты – эфектыўная форма супрацоўніцтва (бібліятэкі, архівы, музеі і іншыя; дзяржаўныя, грамадскія арганізацыі, нацыянальна-культурныя супольнасці).
• Краязнаўства ў асобах.

У рамках кангрэса плануюцца:

• пленарнае пасяджэнне;
• пасяджэнні секцый;
• віртуальная прэзентацыйная пляцоўка электронных інфармацыйных рэсурсаў і выдавецкай прадукцыі;
• асобныя мерапрыемствы па тэматыцы кангрэса;
• заключнае пасяджэнне.

Рабочие языки

• беларуская
• руская
• англійская

Для ўдзелу ў кангрэсе запрашаюцца спецыялісты бібліятэк, музеяў, архіваў, навукова-даследчых арганізацый, адукацыйных устаноў, цэнтраў народнай творчасці, краязнаўцы-аматары, распрацоўшчыкі і вытворцы інфармацыйнай прадукцыі, прадстаўнікі грамадскіх і культурных арганізацый беларусаў у замежных краінах, іншыя зацікаўленыя асобы.

Арганізацыя работы кангрэса

Мерапрыемствы кангрэса будуць праходзіць у анлайн-фармаце і ў будынку бібліятэкі.

Спасылка на трансляцыю кангрэса будзе прадстаўлена перад мерапрыемствам на партале бібліятэкі, зарэгістраваным удзельнікам будзе разаслана па электроннай пошце.

Для ўдзелу ў якасці слухача неабходна не пазней 15 кастрычніка 2020 года прайсці анлайн-рэгістрыцыю.

Для ўдзелу з дакладам неабходна прайсці анлайн-рэгістрыцыю, файл з тэкстам дакладу выслаць па электроннай пошце secretar@nlb.by не пазней 20 верасня 2020 года.

Рэгламент
Даклады на пленарным пасяджэнні – да 20 хвілін, на сесійных пасяджэннях – да 10 хвілін.

Патрабаванні да афармлення дакладаў
Прымаюцца арыгінальныя работы, якія маюць навуковае і прыкладное значэнне. Матэрыялы плануецца апублікаваць да пачатку работы кангрэса.
Назва даклада, прозвішча, імя, імя па бацьку (поўнасцю) аўтара/суаўтара, пасада, вучоная ступень, назва арганізацыі, горад, краіна; прозвішча, імя, імя па бацьку (поўнасцю) асобы, якая будзе прадстаўляць даклад на кангрэсе.
Аб’ём даклада разам з анатацыяй, малюнкамі, дадаткамі, схемамі і да таго падобнае – не больш за 6 старонак фармату А4, Times New Roman, 13 кегель, паўтарачны міжрадковы інтэрвал, тып файла – rtf, doc або docх.
Анатацыя на рускай мове аб’ёмам не больш за 700 сімвалаў (з улікам прабелаў).

Аргкамітэт пакідае за сабой права адбору дакладаў на кангрэс і матэрыялаў для публікацыі ў зборніку.

Патрабаванні да прэзентацый
Тып файла – ppt (Microsoft PowerPoint).

Асноўнае месца правядзення
Нацыянальная бібліятэка Беларусі
Рэспубліка Беларусь, г. Мінск, пр. Незалежнасці, 116.

Кантакты

Есіс Наталля Сяргееўна
Тэл. (8 017) 266 37 07, e-mail: secretar@nlb.by

Градоўкіна Ірына Уладзіміраўна
Тэл. (8 017) 293 28 26, e-mail: i_gryadovkina@nlb.by

Пшыбытка Марына Георгіеўна (для ўдзельнікаў з Рэспублікі Беларусь)
Тэл. (8 017) 266 37 70, e-mail: m_pshibytko@nlb.by

Вальчак Марына Уладзіміраўна (для замежных удзельнікаў)
Тэл. (8 017) 293 27 64, e-mail: ird@nlb.by