Міжнародны кангрэс “Бібліятэка як феномен культуры”
Міжнародны кангрэс “Бібліятэка як феномен культуры” – яркая падзея ў навуковым, культурным і грамадскім жыцці краіны.
Мэтай яго правядзення з'яўляецца кансалідацыя намаганняў бібліятэк, архіваў, музеяў, адукацыйных, навукова-даследчых і іншых устаноў і арганізацый для развіцця адзінай інфармацыйна-бібліятэчнай прасторы і ўмацавання міждзяржаўнага супрацоўніцтва ў гуманітарнай сферы.
Кангрэс з'яўляецца комплексным мерапрыемствам, у рамках якога арганізоўваюцца і праводзяцца пленарнае і секцыйныя пасяджэнні, круглыя сталы, майстар-класы, выстаўкі і іншыя мерапрыемствы.
Штогод у яго рабоце бярэ ўдзел больш за 500 дэлегатаў з розных краін.